നാഷണൽ പേയ്‌മെന്റ് കോർപ്പറേഷൻ ഓഫ് ഇന്ത്യ പുതിയ സെറ്റിൽമെന്റ് സൈക്കിളുകൾ പ്രഖ്യാപിച്ചു. അംഗീകൃത പണമിടപാടുകൾക്കും തർക്കത്തിലുള്ളവയ്ക്കുമായാണ് പുതിയ മാറ്റങ്ങൾ കൊണ്ടുവരുന്നത്. ബാങ്കുകൾക്കും ഉപഭോക്താക്കൾക്കും ഏറെ ആശ്വാസകരമാകും ഈ മാറ്റം. നവംബർ മൂന്ന് മുതലാണ് ഇത് പ്രാബല്യത്തിൽ വരിക. പണമിടപാടിൽ ഏറെ ശ്രദ്ധ നൽകേണ്ട ആർടിജിഎസ് ഉപയോക്താക്കൾക്കാണ് പുത്തൻ പരിഷ്‌കരണം ഏറെ സഹായകരമാകുക.
ആർടിജിഎസിലൂടെ ഒരു ദിവസം പത്ത് സെറ്റിൽമെന്റ് സൈക്കിളുകളാണ് ഇനി യുപിഐ നൽകുക, ഇതിൽ അംഗീകൃത പണമിടപാടുകളും തർക്കത്തിലുള്ളവയും ഉൾപ്പെടും. പണമിടപാടുകളുടെ എണ്ണം വർധിച്ചതോടെയാണ് പുതിയ മാറ്റം കൊണ്ടുവന്നിരിക്കുന്നത്. ദിനംപ്രതിയുള്ള സെറ്റിൽമെന്റ് പ്രക്രിയ സമയബന്ധിതമായി പൂർത്തായാക്കുക എന്ന ലക്ഷ്യത്തോടെ അംഗീകൃത - തർക്ക ഒത്തുതീർപ്പുകൾ വേർതിരിക്കാൻ തീരുമാനിച്ചത്.
അതിനിടയിൽ എൻപിസിഐ, മുമ്പുണ്ടായിരുന്ന പേടിഎം യുപിഐ ഐഡികളിലെ ഓട്ടോപേ മാൻഡേറ്റുകൾ അവസാനിപ്പിക്കുന്നതിനുള്ള അവസാന തീയതി രണ്ടുമാസത്തേക്ക് കൂടി നീട്ടിയിട്ടുണ്ട്.
Content Highlights: UPI new transaction settlements